Partner Themelues i Legalis, është përfshirë në mënyrë aktive në profesionin e drejtësisë për më shumë se dy dekada. Bekim Sejdiu është profesor në Fakultetin Juridik të Universitetit të Prishtinës. Z. Sejdiu ka shërbyer si Gjyqtar në Gjykatën Kushtetuese të Republikës së Kosovës. Para se të emërohej në rolin e tij në gjyqësor, z. Sejdiu shërbeu si Ambasador i parë i Republikës së Kosovës në Republikën e Turqisë dhe si Konsull i Përgjithshëm i Republikës së Kosovës në Nju Jork. Z. Sejdiu shërben si konsulent ligjor për disa organizata ndërkombëtare, si dhe trajner për Odën e Avokatëve të Kosovës dhe Akademinë e Drejtësisë të Kosovës.